У БДУІР выбіраюць студэнта года. Інтэрнаўты масава галасуюць за Паліну Шаболду
У нейкі момант укінулі галасы за іншага студэнта, але ён нядоўга пратрымаўся ў пераможцах.
У БДУІР праходзіць галасаванне за званне студэнта года. У тэлеграм-канале БРСМа ўніверсітэта можна было падтрымаць аднаго з пяці кандыдатаў.
У канала ўсяго каля 800 падпісчыкаў, але пра галасаванне даведаліся і за межамі ўніверсітэта. Інтэрнаўты сталі масава галасаваць за студэнтку Паліну Шаболду.
У нейкі момант былі ўкінутыя галасы за студэнта Аляксандра Квартальнага, і ён вырваўся наперад з 60% галасоў.
Але пасля ўсё ж народная падтрымка зрабіла сваю справу, і ў лідарах зноў апынулася Паліна Шаболда. Яна ў выніку і перамагла ў конкурсе БДУІР «Студэнт года анлайн».
На гэты момант у галасаванні паўдзельнічала каля 35 тысяч чалавек. У самім універсітэце вучыцца 15 тысяч чалавек.
Паліна Шаболда вучыцца на другім курсе факультэта камп'ютарнага праектавання БДУІРа. Дзяўчына з Бабруйска, займалася ў ансамблі танца «Пацешкі» і шмат выступала на сцэне ў родным горадзе.
Каментары