На Гродзеншчыне адраджаюць аўтэнтычнае ткацтва і хочуць завабіць турыстаў
У аграгарадку Квасоўка, што недалёка ад Гродна, адраджаюць традыцыйнае ткацтва Гродзеншчыны. У мясцовым цэнтры культуры ствараюць паўнавартасную ткацкую майстэрню, дзе будуць працаваць па старадаўніх народных тэхналогіях. У тым ліку тут хочуць адраджаць тэхніку падвойнага ткацтва — традыцыйную для нашага рэгіёна, піша Hrodna.life.
У аграгарадку Квасоўка, што недалёка ад Гродна, адраджаюць традыцыйнае ткацтва Гродзеншчыны. У мясцовым цэнтры культуры ствараюць паўнавартасную ткацкую майстэрню, дзе будуць працаваць па старадаўніх народных тэхналогіях. У тым ліку тут хочуць адраджаць тэхніку падвойнага ткацтва — традыцыйную для нашага рэгіёна.
Асноўнае абсталяванне закуплена за кошт прэзідэнцкага гранта, які атрымала гродзенская майстрыха габеленаў Алена Шунейка. Грант накіраваны на рэалізацыю праекта «Ад пражы да ткацтва» — яго мэта захаваць і вярнуць у жыццё традыцыйныя спосабы ручнога ткацтва, паведамляе Тэлерадыёкампанія «Гродна».
Зараз майстры асвойваюць складаную тэхніку падвойнага ткацтва і ствараюць рэплікі элементаў мужчынскага, жаночага і дзявочага касцюмаў Гродзенскага рэгіёна.
Ткацтва — карпатлівы і працаёмкі працэс
Як распавядае кіраўніца гуртка «Тэкстыльная майстэрня» Яўгенія Станіна, толькі на адну запраўку станка ідзе ад 10 да 14 кіламетраў нітак асновы. Напрыклад, для ваўнянага палатна выкарыстоўваецца каля 800 нітак, а для кашулі — да 1400. Кожную нітку трэба дакладна паставіць на сваё месца і сачыць, каб яны не заблыталіся.
Традыцыйным рамёствам у Квасоўцы займаюцца і мужчыны. Напрыклад, гукарэжысёр Яўген Мармыш асвойвае ткацтва паясоў на дошчачках — адну з распаўсюджаных беларускіх тэхнік. У залежнасці ад павароту дошчачак на поясе з’яўляецца просты ўзор «ёлачка».
— Ёсць і іншая тэхніка: пры кожным павароце дошчачак загадзя разлічваецца, якія з іх трэба павярнуць, а якія пакінуць. У выніку з’яўляецца ўзор — напрыклад, «змейка», — кажа ён.
У планах — завабліваць турыстаў
Адкрыць ткацкую майстэрню, якую плануецца ўключыць у турыстычныя маршруты рэгіёна, хочуць восенню 2026 года. У мясцовым цэнтры культуры спадзяюцца, што яна стане пунктам прыцягнення для турыстаў і дазволіць ім не толькі пабачыць традыцыйны быт, але і паўдзельнічаць у рамесных занятках.
Як адзначае загадчык Квасоўскага цэнтра культуры і развіцця народнай творчасці Дзяніс Балабуеў, у планах — прыём турыстычных груп, правядзенне майстар-класаў па ткацтве і танцах, продаж сувеніраў, а таксама, магчыма, дэгустацыя традыцыйных беларускіх напояў.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары