На базе стратэгічных ракетных войскаў Расіі у Ясным Арэнбургскай вобласці, дзе знаходзяцца найноўшыя ракетныя комплексы «Авангард», адбыўся моцны выбух. Мясцовыя жыхары расказалі, што ў неба ўзнялося вялізнае воблака фіялетавага дыму, піша The Moscow Times.
Па словах сведак, прычынай магла стаць аварыя падчас запуску ракеты, якая нібыта развалілася ў паветры. Афіцыйных тлумачэнняў пакуль няма.
Мясцовыя службы паведамілі, што эвакуацыя не патрэбна і небяспекі для людзей няма — узровень шкодных рэчываў нібыта ў межах нормы. Улады Арэнбургскай вобласці гэта пацвярджаюць.
Космадром «Ясны» — адзін з 11 аб’ектаў у Расіі, адкуль запускаюць ракеты вялікай далёкасці, у тым ліку і з ядзернымі боегалоўкамі. З 2023 года тут праводзяць пераўзбраенне на новы шахтны комплекс «Авангард», якім раней ганарыўся Пуцін, заяўляючы, што ён «абнуляе» амерыканскую супрацьракетную абарону.
Інцыдэнт адбыўся на фоне праблем у адпраўленні «Саюза МС-28» з касмадрома Байканур 27 лістапада, дзе падчас запуску абвалілася абслуговая кабіна. Эксперты дапускаюць, што з-за гэтага старты касмічных караблёў «Саюз» і «Прагрэс» могуць быць прыпыненыя. Аднак у Раскосмасе сцвярджаюць, што пашкоджанні хутка ліквідуюць.
Як Ігналінская АЭС безвынікова спрабавала прадаць нявыкарыстанае ядзернае паліва
Лукашэнка заявіў, што «Буравеснік» нам непатрэбны. МЗС Расіі яму адказаў
«Арэшнік» нам патрэбны, а «Пасейдон» і «Буравеснік» — не. Лукашэнка — пра задачы для ВПК
Тэгеран паабяцаў аднавіць свае ядзерныя аб'екты з большым размахам
Пуцін пахваліўся выпрабаваннямі ракеты «з неабмежаванай далёкасцю»
Каментары
Бачым аварыйны пуск канверсійнай (знятай з баявога дзяжурства па дамове СНВ-1 і выкарыстоўваемай для камерцыйных пускаў украіна-расійскай ракеты "Дніпро" ) ?
Кампаненты паліва:
https://ru.wikipedia.org/wiki/%D0%A2%D0%B5%D1%82%D1%80%D0%B0%D0%BE%D0%BA%D1%81%D0%B8%D0%B4_%D0%B4%D0%B8%D0%B0%D0%B7%D0%BE%D1%82%D0%B0
https://ru.wikipedia.org/wiki/1,1-%D0%94%D0%B8%D0%BC%D0%B5%D1%82%D0%B8%D0%BB%D0%B3%D0%B8%D0%B4%D1%80%D0%B0%D0%B7%D0%B8%D0%BD