У сучасным свеце 10% багацеяў зарабляюць больш, чым рэшта насельніцтва Зямлі
Даследаванні паказалі, што глабальная няроўнасць паміж багатымі і беднымі дасягнула крайняй ступені. Паводле справаздачы «Няроўнасць у свеце ў 2026 годзе» ад The World Inequality Lab, 10% людзей з самымі высокімі даходамі зарабляюць больш, чым усе астатнія 90% разам узятыя.
Па кошту актываў 75% усяго багацця знаходзіцца ў руках гэтых 10%, тады як на долю найбяднейшай часткі насельніцтва прыпадае толькі 2%. Пры гэтым менш за 60 тысяч мультымільянераў (0,001% насельніцтва) кантралююць у тры разы больш багацця, чым палова чалавецтва.
Справаздача таксама засведчыла гендэрную няроўнасць: жанчыны ў сярэднім зарабляюць толькі 61% ад заробку мужчын за гадзіну працы. Больш таго, багатая меншасць у асноўным адказная за змяненне клімату: на яе долю прыпадае 77% шкодных выкідаў CO₂, звязаных з прыватнай уласнасцю, у той час як на бяднейшую палову — толькі 3%.
Наяўная няроўнасць расце з 1990‑х гадоў: багацце мультымільянераў штогод павялічваецца прыблізна на 8%, амаль удвая хутчэй, чым багацце астатняга насельніцтва. Даследчыкі падкрэсліваюць, што экстрэмальная няроўнасць пагражае стабільнасці эканомікі, дэмакратыі і экасістэмам, і патрабуе тэрміновых мераў па яе змяншэнні.
Справаздача выходзіць раз у чатыры гады з 2018 года ў супрацоўніцтве з Праграмай развіцця ААН і выкарыстоўвае даныя 200 навукоўцаў з усяго свету. Яна ляжыць у аснове абмеркаванняў па фіскальных рэформах, падаткаабкладанні багатых і пераразмеркаванні даходаў.
Paramount, узначалены блізкім да Трампа мільярдэрам, уступіў у барацьбу з Netflix за Warner Bros
Еўракамісія аштрафавала Х за непразрыстасць і птушачку, «якая ўводзіць у зман». Ілан Маск заклікаў распусціць ЕС
Былая балерына стала самай маладой мільярдэркай свету, якая зарабіла свой капітал самастойна
Сям'я былога дырэктара ФСБ Патрушава скупіла нерухомасці на $175 мільёнаў
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары