Вялікі канцэрт, прысвечаны кампазітару, класіку эстрады Ігару Паліводзе, адбудзецца 15 мая.
Поп-опера «Максім» паводле Багдановіча, што на пачатку 90-х зрабілася падзеяй культурнага жыцця краіны, цыкл «Беларушчына» паводле Купалы, песні на вершы Роберта Бёрнса, выкананыя «Песнярамі», шлягеры «Талака», «Сівы голуб», «Песня скрыпача»… Іх аўтар — Ігар Палівода (1950-1996) — кампазітар і піяніст, удзельнік ансамбля «Песняры» і аркестра на чале з Міхаілам Фінбергам.
15 мая ў Дзяржфілармоніі (Незалежнасці, 50) адбудзецца вялікі вечар-успамін, прысвечаны класіку эстрады. Адкрые канцэрт Гюнэш з песняй на вершы Багдановіча «Па-над белым пухам вішняў». Потым у поўным складзе выступяць «Песняры», запяюць песні на музыку або аранжыроўку Ігара Паліводы. Падрыхтаваны і сюрпрыз — збольшага невядомая праграма на народныя словы «Нёман», цыкл з 8 песень, у выкананні Нацыянальнага акадэмічнага Народнага аркестра імя Жыновіча пад кіраўніцтвам прафесара Міхаіла Казінца.
«Сам аўтар літаратурных дзённікаў і вершаў, Ігар заўсёды раўняўся на класікаў, а таксама на творчасць Барадуліна, Някляева, Гілевіча, — кажа Вольга Палівода, удава кампазітара. — Разам з тым адчуваў хараство словаў народных песень, дасканаліў да іх мелодыі».
На канцэрце, прысвечаным Ігару Паліводзе, таксама выступіць Зміцер Вайцюкевіч са шлягерам «Дробна-Драбніца».
«Артыстычнасць Вайцюшкевіча на маю думку вельмі пасуе стылю Ігаравых песняў», — дадае Вольга Палівода. — А Гюнэш — ці не адзіная на нашай эстрадзе, якая можа менавіта ўжывую яскрава спяваць».
Завяршыцца свята беларускай эстрады супольным выканнем усіх удзельнікаў канцэрту песні «Талака». Каб паслухаць песні выбітнага камапазітара ў выкананні найлепшых эстраднікаў краіны
трэба выдаткаваць усяго-толькі ад 6 да 25 тыс. Пачатак а 19-й.
-
Як K-pop, толькі B-pop — спявачка Паліна Дабравольская запісала новы альбом на беларускай і польскай мовах
-
«Яндэкс Музыку» немагчыма слухаць». Беларусы абураныя аб’ёмамі цэнзуры праз расійскі закон аб прапагандзе наркотыкаў
-
Беларусы размятаюць квіткі на канцэрты зумера Вані Дзмітрыенкі з Краснаярска не толькі ў Мінску, але ў рэгіёнах
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»8
Каментары