Беларусь апынулася ў топе краін па тэмпах укаранення DeepSeek
У 2025 годзе выкарыстанне генератыўнага ШІ ў свеце працягнула расці: у другім паўгоддзі доля карыстальнікаў павялічылася на 1,2 працэнтных пунктаў і дасягнула 16,3% насельніцтва планеты. Гэта азначае, што прыкладна кожны шосты чалавек у свеце ўжо выкарыстоўвае ШІ для вучобы, працы ці рашэння задач. Але нягледзячы на агульны рост, даныя паказваюць амаль двухразовы — і ўзмацняльны — лічбавы разрыў паміж краінамі глабальных Поўначы і Поўдня. Пра гэта гаворыцца ў свежай справаздачы Microsoft, піша Devby.io.
У краінах глабальнай Поўначы ШІ выкарыстоўваюць 24,7% працаздольнага насельніцтва, тады як у краінах глабальнага Поўдня — толькі 14,1%. У лідарах ААЭ — тут паказчык складае 64%. У топ-5 таксама ўвайшлі Сінгапур, Нарвегія, Ірландыя і Францыя.
Беларусь знаходзіцца ў ніжняй чвэрці спіса прыкладна 150 краін з вынікам 8,4% — +0,8 працэнтных пунктаў у другім квартале да першага.
Паралельна з гэтым у 2025 годзе адбыўся яшчэ адзін важны зрух — імклівы рост кітайскай нейрасеткі DeepSeek, якая атрымала заўважную перавагу ў краінах, дзе доступ да заходніх ШІ-сэрвісаў абмежаваны ці ўскладнены. Стартап прапанаваў цалкам бясплатнага чат-бота без падпіскі і платных функцый, тым самым ліквідаваўшы як фінансавыя, так і тэхнічныя бар’еры для доступу.
Найбольшая папулярнасць DeepSeek зафіксавана ў Кітаі, Расіі, Іране, Кубе і Беларусі. У Кітаі ўзровень распаўсюджвання DeepSeek складае 89%, у Беларусі — 56%. Гэта нават больш, чым у Расіі — 43%. Таксама платформа хутка расце ў краінах Афрыкі. Для параўнання, у Грузіі, Азербайджане і Манголіі ўзровень распаўсюджвання DeepSeek ніжэйшы за 5% — у тым жа дыяпазоне, што ў ЗША і большасці краін Еўропы.
Поспех DeepSeek адлюстроўвае больш шырокую тэндэнцыю, адзначаюць у Microsoft: глабальнае распаўсюджванне ШІ вызначаецца не толькі якасцю мадэляў, але і даступнасцю, эканамічным кантэкстам і палітычнымі ўмовамі. Адкрытыя ШІ-мадэлі могуць хутка маштабавацца ў рэгіёнах, якія аказаліся выключанымі з першай хвалі ШІ-ўкаранення, і становяцца інструментам тэхналагічнага і геапалітычнага ўплыву.
У цэлым даныя Microsoft сведчаць, што свет імкліва асвойвае ШІ, але гэта адбываецца вельмі нераўнамерна. У лідарах па-ранейшаму краіны, якія рана інвеставалі ў лічбавую інфраструктуру, навыкі і дзяржаўныя ШІ-ініцыятывы. Таксама рост платформаў накшталт DeepSeek сведчыць пра тое, што наступная хваля карыстальнікаў ШІ можа прыйсці не з традыцыйных тэхналагічных цэнтраў, а з краін глабальнага Поўдня і дзяржаў з абмежаваным доступам да заходніх тэхналогій.
Кітай хоча стаць тэхналагічным лідарам свету — але праблемы ў эканоміцы толькі растуць
ШІ бяссільны перад мастацтвам: вершаваныя запыты змусілі яго расказаць, як ствараць атамныя бомбы і ламаць сайты
Стала вядома, колькі ў Беларусі карыстальнікаў кітайскага чат-бота DeepSeek
Спыталі папулярныя мадэлі ШІ пра беларускую нацыянальную ідэю. Вось што адказалі амерыканскія, а што кітайская
DeepSeek збірае даныя карыстальнікаў і ў незашыфраваным выглядзе дасылае ў Кітай
Канал «Россия 1» паведаміў, што DeepSeek распрацаваны на аснове савецкага кода. Аказалася, гэта навіна з сатырычнага сайта
Лян Вэньфэн — таемны заснавальнік DeepSeek, які перавярнуў свет штучнага інтэлекту
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары