У Шумілінскім раёне мужчына праз рэўнасць спаліў чужую хату з выпадковым чалавекам
Трагедыя адбылася пасля застолля, калі кампанія разышлася.
СК завяршыў расследаванне крымінальнай справы аб забойстве і падпале ў Шумілінскім раёне. Ахвярай стаў 60‑гадовы мужчына, які наогул не быў датычны да канфлікту.
Трагедыя пачалася з застолля, пасля якога кампанія разышлася. Ноччу 52‑гадовы мужчына прачнуўся і не знайшоў побач сваю сужыцельку. Мужчына падумаў, што жанчына засталася ў гаспадара хаты, дзе яны выпівалі ўдзень.
Аслеплены рэўнасцю, ён вярнуўся да чужога дома, падпаліў абрус на верандзе і спакойна пайшоў спаць. Як высветлілася пазней, яго каханай у гэтым доме наогул не было.
Гаспадара падпаленай хаты ўдалося выратаваць, аднак ягоны госць, 60‑гадовы мужчына, які застаўся пераначаваць, загінуў ад атручвання чадным газам.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары