Пасольства Вялікабрытаніі, якое прадстаўляе ў Беларусі Іспанію, што старшынствуе ў Еўрасаюзе, вечарам 21 мая выступіла з заявай «з нагоды дзеянняў супраць грамадзянскай кампаніі «Гавары праўду!» у Беларусі».
У заяве выказана глыбокая заклапочанасць «праведзенымі міліцыяй 18 мая вобыскамі ў 20 памяшканнях, што маюць дачыненне да грамадзянскага руху «Гавары праўду!», які праводзіць у Беларусі кампаніі па грамадскіх пытаннях».
«Мы заклікаем улады забяспечыць свабоду слова, свабоду доступу да інфармацыі і свабоду сходаў, прадугледжаныя артыкуламі 33, 34 і 35 Канстытуцыі Рэспублікі Беларусь», — гаворыцца ў заяве.
Еўрасаюз «прытрымліваецца цвёрдага пераканання, што дэмакратычнае развіццё магчыма толькі ў тых выпадках, калі існуе свабода выказвання розных меркаванняў, а крыніцы незалежнай інфармацыі даступныя ўсяму насельніцтву ў цэлым».
«Гэтыя пытанні набываюць асаблівую важнасць у святле надыходзячых прэзідэнцкіх выбараў у Беларусі, якія павінны быць праведзены не пазней за люты 2011 года», — падкрэсліваецца ў дакуменце.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары