Еўразійская эканамічная камісія прыняла рашэнне вызваліць Беларусь, Арменію, Расію і Кыргызстан ад выплаты мытных пошлін на ўвоз некаторых прадуктаў перапрацоўкі какава-бабоў — неабястлушчанай какава-пасты, какава-алею і какава-тлушчу.
Для Беларусі ўстаноўленыя бяспошлінныя квоты: 5,5 тысячы тон на адзін з відаў прадукцыі і 3,5 тысячы тон — на іншы. Ільгота будзе дзейнічаць да 30 красавіка 2027 года.
Гэтыя інгрэдыенты выкарыстоўваюцца ў вытворчасці шакаладу, шакаладных цукерак і іншых кандытарскіх вырабаў, а таксама ў фармацэўтычнай і парфумернай галінах. Чакаецца, што зніжэнне мытных выдаткаў дазволіць прадпрыемствам зменшыць кошт сыравіны і павысіць эфектыўнасць працы.
Пры гэтым падкрэсліваецца, што тавары, увезеныя з выкарыстаннем ільготы, можна будзе выкарыстоўваць толькі на тэрыторыі адпаведных краін. Рашэнне набудзе сілу праз дзесяць каляндарных дзён пасля афіцыйнага апублікавання.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары