У сталіцы Новай Зеландыі горадзе Велінгтан адкрылася эксперыментальная харчовая крама. Сярод багатага выбару хлебабулачных, кандытарскіх, мясных і рыбных вырабаў, гародніны і садавіны пакупнік не знойдзе цэннікаў, бо тавары адпускаецца тут абсалютна бясплатна.
Паводле словаў ініцыятара дабрачыннай акцыі, а па сумяшчальніцтве мастачкі Кім Патан, асартымент крамы даволі разнастайны. «Рэч у тым, што ўсе тавары паступаюць на паліцы з іншых супермаркетаў, — распавяла Патан.
—Іншымі словамі, гэта рэшткі, якія не паспяваюць прадаць да заканчэння тэрміну прыдатнасці. Напрыклад, пякарні пры буйных гандлёвых кропках штодня прадукуюць вялікую колькасць хлебабулачных вырабаў, а нерэалізаваную за дзень прадукцыю затым даводзіцца выкідваць. Аналагічная сітуацыя ўзнікае з агароднінай і садавінай, бо яны хутка псуюцца, малочнымі вырабамі. Такім чынам, мы адразу робім дзве добрыя справы: дапамагаем маламаёмасным і імкнемся да памяншэння адкідаў», — заўважыла Патан.
«На дзіва ідэя была з энтузіязмам успрынята прадпрымальнікамі, — дадала Кім Патон. — Мы гатовыя супрацоўнічаць не толькі з харчовымі крамамі, але і рэстаранамі, фермерамі». Пры гэтым яна падкрэсліла, што незвычайная крама будзе працаваць шэсць дзён на тыдзень з 10 раніцы — да 6 вечара цягам двух тыдняў.
Ці маюць бясплатныя крамы будучыню, пакажа час, — лічыць Патан. — Спадзяюся, што ініцыятыва прынясе свой плён».
Цяпер чытаюць
Хітры расіянін Яўген з жонкай і малым прыдумалі, як бясплатна пажыць у кватэры беларускі19
Каментары