База адпачынку «Чмялёўка» ў Лагойскім раёне была прададзена амаль за 500 тысяч долараў і знайшла новага ўладальніка з восьмай спробы — яе выставлялі на аўкцыён больш за год.
Продаж адбыўся 5 сакавіка 2026 года на электроннай гандлёвай пляцоўцы Беларускай універсальнай таварнай біржы са зніжэннем першапачатковай цаны на 80%. Адзіны ўдзельнік таргоў набыў аб’ект за 1 394 040,45 рубля.
Уласнік атрымаў больш за тысячу квадратных метраў будынкаў і ў арэнду на 20 гадоў зямельны ўчастак плошчай 1 гектар.
У склад комплексу ўваходзяць двухпавярховы будынак базы адпачынку, двухпавярховы гасцявы дом, лазня, кацельня, воданапорная вежа і дзве артэзіянскія свідравіны.
База была пабудаваная ў 1984 годзе, аднак будынкі адноўленыя або перабудаваныя каля дзесяці гадоў таму. Побач размешчаныя два вадаёмы, а мясцовасць вядомая грыбнымі і ягаднымі месцамі. Да Лагойска адсюль 25 кіламетраў, да Плешчаніц — 20, да Мінска — 60.
Цяпер чытаюць
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары