Ва Украіне банкір апублікаваў фота кліенткі, якая праходзіла верыфікацыю «на фоне сцяга Расіі», і трапіў у скандал
Сузаснавальнік украінскага анлайн-банка monobank Алег Гарахоўскі трапіў у цэнтр гучнага скандалу пасля публікацыі ў сацсетцы Threads фотаздымка адной з кліентак. Фота было зроблена супрацоўнікамі банка падчас відэаверыфікацыі для разблакіроўкі рахунку.
Алег Гарахоўскі апублікаваў у сацсетцы Threads фота карыстальніцы банка, зробленае падчас відэаверыфікацыі, на фоне нібыта расійскага сцяга, піша nv.ua.
Свой допіс Гарахоўскі апублікаваў 9 сакавіка, аднак пазней выдаліў яго.
«Звярнулася кліентка на відэаверыфікацыю з пытаннем, чаго заблакавалі яе рахунак. Сказалі, што праз тое, што галава нямытая», — падпісаў Гарахоўскі фота карыстальніцы банка.
Ужо на наступны дзень у сацсетках з’явіўся допіс, у якім дзяўчына заявіла, што менавіта яе фота апублікаваў Гарахоўскі. Яна сцвярджае, што на фоне быў сцяг Славеніі, а не Расіі.
Таксама дзяўчына дадала, што была не ў сябе дома і, маўляў, не звярнула ўвагі на тое, што вісіць на сцяне.
«Але хачу сказаць адно: гэта сцяг Славеніі. Гэты чалавек, не разабраўшыся ў сітуацыі, дазволіў сабе выставіць мяне на ўсеагульны агляд. Я ні ў якім разе не падтрымліваю краіну-агрэсарку. У мяне ваюе ўся сям’я. Я нарадзілася ва Украіне і люблю яе», — напісала яна.
Пазней вайсковец і заснавальнік фестывалю ВиделкаFest Сяргей Гняздзілаў заявіў, што пагутарыў з дзяўчынай, фатаграфію якой апублікаваў Гарахоўскі.
Паводле яго слоў, яна распавяла, што ў 2023 годзе разам з маці выехала з Харкава ў Славенію, дзе яны атрымалі статус бежанцаў. Ужо ў наступным годзе яна пераехала ў Германію, дзе жыве і цяпер.
«Я знаходзілася дома ў сяброўкі, якая са Славеніі, яна студэнтка, у яе і сапраўды вісіць сцяг Славеніі. Я не чакала, што відэаідэнтыфікацыя будзе адбывацца так хутка, таму пабегла акурат у той пакой, дзе вісеў сцяг. Мне сказалі, што рашэнне аб разблакіроўцы карткі будзе прынята на працягу наступных сутак. На раніцу мне патэлефанавала мама і сказала, што я «цяпер вельмі вядомая», — прыводзіць словы дзяўчыны Гняздзілаў.
Ён таксама сцвярджае, што абмяркоўваў гэтую сітуацыю з самім Гарахоўскім. Маўляў, той на сто адсоткаў упэўнены, што «сцяг — расійскі, а дзяўчына — хлусіць».
Акрамя сцяга на сцяне карыстальніцы monobank, у сацсетках таксама пачалі абмяркоўваць магчымае парушэнне абароны персанальных даных праз апублікаванне яе фатаграфіі.
Цяпер чытаюць
21‑гадовага курсанта Акадэміі авіяцыі асудзілі за Гаюна1
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Поўная бязглуздіцца і не да законаў.
Але першае пытанне якое мне стала цікава, як на яе тут адрэагуюць каментатары НН (калі на нн будзе гэта навіна. І вось яна з'явілся, дзякуй) , лол.
Ну шо, знайдуцца тут абаронцы гэтага пахана ?
Але я б паглядзеў на іншыя ракурсы з гэтым сцягам, бо быццам той, што ляжыць на палозе не падобны на той, што на сцяне на фотцы