Улады Афганістана заявілі, што 16 сакавіка па сталіцы краіны Кабуле былі нанесеныя ўдары з боку Пакістана. Пра гэта паведаміў прадстаўнік урада руху Талібан Забіхула Муджахід. Ён назваў атаку «злачынствам і актам бесчалавечнасці», піша AFP.
Здымак ілюстрацыйны. Фота: AP Photo/Saqib Manzoor
Па словах афганскіх уладаў, пад удар трапіў наркалагічны цэнтр. У выніку загінулі чатыры чалавекі, яшчэ некалькі атрымалі раненні.
У Пакістане сваю датычнасць да ўдару па бальніцы адмаўляюць. У прэс-службе пакістанскага ўрада заявілі, што абвінавачанні беспадстаўныя і што ўдары былі накіраваныя выключна па вайсковых, а не па цывільных аб’ектах.
У апошнія тыдні пакістанскія ўзброеныя сілы ўжо неаднаразова наносілі ўдары па Кабуле ў межах канфлікту паміж Пакістанам і Афганістанам.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень11
Каментары