17 сакавіка 2026 года на тэрыторыю Малдовы заляцеў баявы беспілотнік. Яго абломкі знайшлі памежнікі каля вёскі Тудора, прыкладна за паўкіламетра ад мяжы з Украінай. Інцыдэнт адбыўся раніцай, каля дзясятай гадзіны па мясцовым часе.
На месца падзеі адразу прыбылі спецыялісты, каб праверыць, ці ёсць пагроза, і абясшкодзіць дрон. Жыхароў з найбліжэйшай тэрыторыі часова эвакуявалі. Пазней высветлілася, што беспілотнік быў з выбуховым зарадам і заставаўся небяспечным. Яго знішчылі з дапамогай кантраляванага выбуху.
Дакладна не паведамляецца, каму належаў гэты дрон, але знешне ён падобны да мадэляў тыпу Shahed, якія выкарыстоўваюцца расійскай арміяй.
У той жа дзень раніцай стала вядома, што расійскія войскі нанеслі моцны ўдар па Адэскай вобласці ва Украіне. Пацярпелі энергетычныя, прамысловыя і партовыя аб’екты, на месцах удараў узніклі пажары. Загінулых і параненых не было, але ў некаторых населеных пунктах узніклі праблемы з электрычнасцю, а важныя аб’екты пераключылі на рэзервовыя крыніцы энергіі.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары