Сетка кавярняў выпусціла кубачкі пад Год беларускай жанчыны. Але абышлася без беларусак
У сетцы кавярняў «Хотфікс» вырашылі арыгінальна адрэагаваць на аб'яўлены ўладамі Год беларускай жанчыны — «год сілы, таленту, натхнення, бясконцай знешняй і ўнутранай прыгажосці». Яны выпусцілі пад гэта лімітаваную серыю кубачкаў з жаночымі матывамі.
Тварамі кубачкаў сталі «вялікія жанчыны, якія змянялі свет, натхнялі пакаленні і даказвалі, што магчымасці не маюць межаў». Усяго такіх набралася шэсць, але чамусьці пры гэтым ніводнай беларускі. Толькі першая ў свеце касманаўтка, расіянка Валянціна Церашкова, звязаная з нашай краінай прынамсі ўскосна, бо з Беларусі паходзілі яе бацькі.
Іншыя гераіні — мексіканская мастачка Фрыда Кало, брытанская прынцэса Дыяна, французская мадэльерка Како Шанэль, амерыканская лётчыца Амелія Эрхарт і польска-французская вучоная, двухразовая лаўрэатка Нобелеўскай прэміі Марыя Складоўскай-Кюры.
Тым не менш, як запэўніваюць беларусак у «Хотфіксе», праект «пра вас. Пра кожную беларускую жанчыну, якая кожны дзень стварае, клапоціцца, вядзе наперад, марыць і не здаецца».
Сетка Hotfix працуе ў некалькіх гарадах Беларусі, у тым ліку ў Мінску, Брэсце, Баранавічах, Гродне, Лідзе і Маладзечне.
Жанчыны ад прыроды непрыстасаваныя нараджаць на спіне, але гэты спосаб родаў стаў стандартным, каб было зручна мужчынам
У модзе новая эра бландзінак
Беларуская музыкантка трапіла на гістарычны фестываль у Польшчы — і цяпер шые касцюмы розных эпох
Дырэктарка турфірмы не пазнала беларускую мову, калі віншавала з Днём яднання Беларусі і Расіі. І працягвае сябе закопваць
Цяпер чытаюць
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары