Польшча і Літва заявілі, што гатовыя прыняць амерыканскія войскі, выведзеныя з Германіі
Прэзідэнт Польшчы заявіў, што асабіста плануе пераконваць Дональда Трампа накіраваць іх на ўсход, піша Politico.
«Калі прэзідэнт Дональд Трамп вырашыць скараціць амерыканскую ваенную прысутнасць у Германіі, то мы ў Польшчы гатовыя прыняць амерыканскіх салдат», — заявіў Караль Наўроцкі падчас вучэнняў NATO у Літве.
Ён дадаў, што ў Польшчы ўжо ёсць «гатовая інфраструктура» для такога кроку.
«Я думаю, што задача прэзідэнта Польшчы, дзеля Польшчы, а таксама дзеля ўсёй Еўропы, заключаецца ў тым, каб пераканаць прэзідэнта Дональда Трампа ў тым, што, прыняўшы такое рашэнне адносна колькасці войскаў у Германіі, ён павінен пакінуць гэтых салдат у Еўропе, гэта значыць у Польшчы, у адной з краін Балтыі або ў іншым рэгіёне», — заявіў Наўроцкі.
Гэтую пазіцыю падтрымаў таксама прэзідэнт Літвы Гітанас Наўседа.
«Перш за ўсё, мы хочам, каб амерыканскія салдаты заставаліся ў Еўропе. Важна, каб Вашынгтон працягваў надаваць увагу рэгіёну, таму саюзнікі па NATO павінны зрабіць усё, каб Злучаныя Штаты не адвярнуліся ад Еўропы», — сказаў ён.
Наўседа запэўніў, што яго краіна гатовая прыняць больш саюзных сіл, дадаўшы, што чакае размяшчэння ў Літве 5000 нямецкіх вайскоўцаў да канца 2027 года. Зараз у Літве знаходзіцца больш за 1000 амерыканскіх вайскоўцаў.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары