Расейская дзярждума гатова прызнаць вынікі выбараў. Беларусь пакуль маўчыць
Прэзыдэнт непрызнанай Прыднястроўскай Малдаўскай Рэспублікі Ігар Сьмірноў заявіў на прэс-канфэрэнцыі ў Ціраспалі 21 верасьня, што па выніках мясцовага рэфэрэндуму былі дасланыя дакумэнты на ўваходжаньне гэтай дзяржавы ў саюзную дзяржаву Беларусі і Расеі. Праўда, сп. Сьмірноў заявіў, што «будучы непрызнанай рэспублікай, Прыднястроўе ня мае на гэта права». Але прэзыдэнт адзначыў, што ягоная рэспубліка мае намер дабіцца незалежнасьці і захаваць яе ў рамках Саюзнай дзяржавы – бо рэфэрэндум праводзіўся не аб уступленьні, але аб незалежнасьці рэспублікі.
У той жа час Ігар Сьмірноў прызнаў, што Прыднястроўе ня можа адбыцца без удзелу Расеі. «Мы абіраем Расею, паколькі яна была арыентырам і для нашых продкаў».
Паводле афіцыйных зьвестак, на рэфэрэндуме 17 верасьня 97,1% выбарцаў прагаласавалі за незалежнасьць і выказаліся за саюз з Расеяй.Эўразьвяз і ЗША вынікі рэфэрэндуму не прызналі. Расейская дзярждума гатова прызнаць вынікі выбараў. Беларусь пакуль маўчыць.
Прыднястроўе – тэрыторыя Малдовы, што ляжыць пераважна па левы бок ракі Днестар (Ністру) і з 1918 г. знаходзілася ў складзе СССР. Тады была ўтворана так званая Малдоўская Савецкая Сацыялістычная Рэспубліка, ужо да другой вайны цалкам зрусіфікаваная.
Іншая частка сёньняшняй Рэспублікі Малдова (гістарычная вобласьць Бесарабія) уваходзіла ў склад Румыніі, і была акупавана СССР у 1940 г. Палова гістарычнай Малдовы зьяўляецца ўсходняй часткай Румыніі (гарады Ясы (Яш), Васлуў, Бэкэу).
Асуджаны за «Гаюн» да хіміі брат Ігара Лосіка ўцёк з Беларусі3
Каментары