«Тэлефон, цацкі новыя, коцік». Беларус паказаў вясковую прыбіральню і скарыў тыкток
Беларус апублікаваў у тыктоку відэа вясковай прыбіральні на вуліцы. Яно завірусілася і набрала 1,6 мільёна праглядаў за першыя два дні. «Прыдумайце назву гэтаму туалету», — звярнуўся аўтар да карыстальнікаў і прайшоў у прыбіральню, піша BGMedia.
З выгляду нічым не адметная вясковая прыбіральня знаходзіцца за карычневымі дзвярыма. Але ўсярэдзіне на падлозе зялёны «газон», на сценах багатыя кампазіцыі са штучных кветак, разбаўленыя «прывітаннем» з Новага года — шарамі і бліскучым дожджыкам. На адной з развешаных унутры карцін можна заўважыць нават крыж. Асвяжальнікаў паветра — некалькі штук, колькасць туалетнай паперы на гэтым фоне выглядае сціпла — усяго рулон і ўпакоўка.
Ваше название?)
«Глядзі, тэлефон, цацкі новыя, коцік…» — звяртаецца да аўтара роліка гаспадар туалета. А пазней ганарліва дадае: «Тут ёсць усё».
«Тэлефон рабочы, дарэчы», — кажа ён, а ў кадры з’яўляецца кнопачны апарат.
Пасля «экскурсіі» аўтар відэа не змог стрымаць смех. Яго эмоцыі многія зразумелі ў каментарах. Людзей уразіў антураж прыбіральні:
- «Госпадзе, я спачатку падумала, што гэта рытуальны туалет».
- «Фантастычны партал часу. Сеў і забыўся, для чаго».
- «Ды вы не разумееце, так какаць весялей. Гэта той выпадак, калі ў туалет тэлефон можна не браць».
- «Туалет-свята. У ім можна адзначыць дзень нараджэння, Новы год. [Атрымаецца] патэлефанаваць сябру. Увогуле, можна здаваць пад жыллё».
- «Сарцір-люкс прэміум-класа».
Таксама ў каментарыях беларусы цікавіліся, ці прадае гаспадар сваю прыбіральню і ці зможа зрабіць такую ж па індывідуальным заказе.
Прыціснула, а прыбіральні побач няма? Распрацоўшчык зрабіў тэлеграм-бот з картай грамадскіх прыбіральняў
«Мне быццам нас*алі ў кубак, а потым затушылі туды недакуркі»: расіянка раскрытыкавала мінскі аэрапорт
У Барысаве адкрылі «разумную» аўтамыйню. Яе фішка — у незвычайнай прыбіральні
Новы трэнд у планіроўцы памяшканняў: санвузлы ўнутры пакояў за рассоўнымі сценамі ці нават без іх
Каментары