Стала вядома, калі можна будзе паступаць у новую Акадэмію інтэлектуальных тэхналогій
Набор у наваствораную Акадэмію інтэлектуальных тэхналогій плануюць пачаць да 1 верасня 2027 года. Пра гэта паведаміў міністр адукацыі Андрэй Іванец у эфіры тэлеканала «Першы інфармацыйны».
Штогод у акадэмію плануюць прымаць каля 150 чалавек. На першым этапе будуць адбіраць тых, хто здольны дасягаць сур’ёзных вынікаў, а асноўны акцэнт зробяць на практычных праектах.
Як адзначыў міністр, гэта не абавязкова павінна быць навуковая або даследчая праца. Гаворка ідзе перадусім пра распрацоўку канкрэтных тэхналагічных праектаў і рашэнне практычных задач для арганізацый і прадпрыемстваў, а таксама пра стварэнне новых кампаній і інавацыйных вытворчасцяў.
Ідэю стварэння новага адукацыйнага цэнтра выказаў у пачатку года Аляксандр Лукашэнка. У жніўні ён падкрэсліў, што акадэмія павінна мець прыкладны характар і не ператварацца ў звычайную ВНУ, якая проста выдае дыпломы.
Плануецца, што там будуць рыхтаваць спецыялістаў, здольных ствараць уласныя рашэнні ў перспектыўных сферах, у тым ліку ў галіне штучнага інтэлекту, новых матэрыялаў, лічбавай прамысловасці і квантавых тэхналогій.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак10
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары