Мікола Дзядок напісаў кнігу пра тэхналогіі ўціску грамадзянскай супольнасці
У выдавецтве «Камунікат» пабачыла свет кніга «Тэхналогіі контррэвалюцыі» аўтарства Міколы Дзядка, падзяліўся ў сацсетках навіной былы палітвязень, піша bellit.info.
Першыя прэзентацыі кнігі адбудуцца 24 кастрычніка ў Беластоку, 25‑га ў Варшаве, а 7 лістапада ў Брэмене.
«У гэтай кнізе я пастараўся, наколькі мог рознабакова, разглядзець усё метады, сродкі і падыходы, якімі аўтарытарная дзяржава распраўляецца з грамадзянскай супольнасцю, пратэстам і самаарганізацыяй. У аднайменным эсэ я каталагізаваў і даў прыклады літаральна па ўсіх элементах гэтай разбуральнай працы: ад катаванняў да медыйных скандалаў. Ад адзіночных камер да распаўсюду чутак. Бо ва ўсіх у іх адна мэта — захаванне кантролю», — тлумачыць аўтар.
Кніга напісаная на стыку публіцыстыкі і акадэмічных даследаванняў. Многае з таго, што выкладзена, Мікола Дзядок ніколі і нідзе не казаў раней.
Каментары