Зяленскі: Мы не бачым цяпер сігналаў з боку Расіі, што яна хоча заканчэння вайны
Прэзідэнт Украіны выступіў сёння на Варшаўскім форуме па бяспецы.
«Мы не бачым цяпер сігналаў з боку Расіі, што яна хоча заканчэння вайны. Мы не бачым элементарных крокаў да дээскалацыі. Усе гавораць пра дызельнае паліва і забываюць пра збожжа. Праз месяц — два ўсе пачнуць гаварыць пра аграрны крызіс. Не будзе хапаць прадуктаў харчавання для краін Афрыканскага кантынента, некаторых краін Азіі і Блізкага Усходу. Таму што мы экспартуем мільёны тон прадукцыі менавіта на гэтыя рынкі. А цяпер Расія блакуе мора», — заявіў Уладзімір Зяленскі.
«Злучаныя Штаты гэтага не адчуваюць, таму гаворка ідзе толькі пра энергетыку. Гэта яшчэ адзін выклік. Гэта голад. І ён можа ўзнікнуць у многіх краінах. І трэба думаць пра ўсё, пра ўсіх. Бо мы ўсе жывём на гэтай планеце. І многія розныя крызісы мы можам спыніць яшчэ да іх пачатку і прадухіліць выклікі», — сказаў прэзідэнт Украіны.
Каментары