Гульню распрацоўшчыка з беларускімі каранямі прызналі найлепшай у Цэнтральнай і Усходняй Еўропе
Камп’ютарная гульня Replaced, распрацаваная студыяй Sad Cat Studios з беларускімі каранямі, атрымала тры ўзнагароды на прэміі Central & Eastern European Game Awards. Яе прызналі найлепшай гульнёй года ў Цэнтральнай і Усходняй Еўропе, а таксама адзначылі за найлепшы дызайн і сюжэт, піша Office Life.
Гульня выйшла 14 красавіка на камп’ютарах і кансолях Xbox Series X/S. У пачатку снежня Replaced павінна з’явіцца і на мабільных прыладах.
Прэмію Central & Eastern European Game Awards уручаюць з 2018 года ў польскім горадзе Познань.
Sad Cat Studios заснавалі ў Мінску ў 2018 годзе. Цяпер кампанія працуе на Кіпры і ў Польшчы. Тры гады таму яна атрымала 5 мільёнаў даляраў на распрацоўку будучых гульняў. Інвестыцыі ў праект уклала міжнародная кампанія GEM Capital, якая базуецца на Кіпры.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары