На агароднінным кірмашы ў Мінску купцам прапануюць два варыянты: узяць перац па 2,90 рубля за кілаграм ці выбраць яго самастойна, але ўжо па 5 рублёў. Цэннікам падзялілася чытачка выдання «Анлайнер».
«На агароднінным кірмашы заўважыла незвычайны цэннік: спачатку пазначана 2,90 рубля, а ніжэй — 5 рублёў, калі выбіраць перац самастойна. Гэта значыць, калі сама выбіраеш тавар, ён амаль у два разы даражэйшы. А калі перац пакладзе прадавец, можна купіць танней. Гэта наогул законна?» — напісала чытачка ў рэдакцыю выдання.
Паводле яе слоў, гэты цэннік быў зняты ў адной з палатак на вуліцы Ясеніна.
Жанчына вырашыла перапытаць прадавачку, ці правільна зразумела ўмовы. Тая патлумачыла, што ўсе перцы добрыя, але некаторыя могуць быць з зялёным бачком або няроўнай формы. Калі ж даць пакупнікам выбіраць самім, яны, паводле слоў прадавачкі, возьмуць толькі самыя чырвоныя і роўныя.
«Я ўзяла па 2,90, і ўсе аказаліся з гнільцой», — дадала чытачка.
Журналісты папрасілі юрыста Івана Райкевіча ацаніць такую практыку.
«Я разумею, што рынак — гэта месца, дзе часам працуюць свае законы, але не настолькі ж?
Падпункт 1.3 пункта 1 артыкула 5 закона «Аб абароне правоў спажыўцоў» замацоўвае права спажыўца на свабодны выбар тавараў, работ і паслуг. А браць са спажыўца грошы за рэалізацыю ягонага ж права — гэта ніяк не суадносіцца з нормамі закона.
Гэта нават не дадатковая паслуга, гэта проста плата з боку спажыўца за тое, што яму дазваляецца рэалізаваць свае правы.
Іншымі словамі, за падобныя вытанчаныя спосабы браць грошы са спажыўца прадавец можа быць прыцягнуты да адміністрацыйнай адказнасці», — кажа юрыст.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары