Цапкала і Балкунец папрасілі Трампа, каб Літва не дэпартавала Карач і Скіндзерава
Палітыкі паскардзіліся Трампу на літоўскія ўлады, якія «рухаюцца ў адваротным кірунку» ад палітыкі ЗША, «на сфабрыкаваных падставах» прызнаюць людзей пагрозай нацыянальнай бяспецы і «фактычна перадаюць беларускім спецслужбам».
Палітыкі Валерый Цапкала і Дзмітрый Балкунец 4 лістапада накіравалі ліст прэзідэнту ЗША Дональду Трампу.
Ліст пачынаецца з падзякі. Аўтары кажуць, што вызваленне беларускіх палітвязняў — «найбуйнейшае гуманітарнае дасягненне ў Еўропе, а магчыма, і ў свеце, за дзесяцігоддзі».
Пры гэтым, як сцвярджаюць Цапкала і Балкунец, літоўскія ўлады «рухаюцца ў адваротным кірунку», «на сфабрыкаваных падставах» прызнаюць людзей пагрозай нацыянальнай бяспецы і «фактычна перадаюць беларускім спецслужбам».
Як прыклад аўтары прыводзяць каліноўца Васіля Верамейчыка, а таксама кіраўніцу арганізацыі «Наш дом» Вольгу Карач і прадпрымальніка Дзмітрыя Скіндзерава.
Цапкала і Балкунец просяць Трампа заклікаць Літву спыніць «дэпартацыі».
А заадно праверыць магчымае нямэтавае выкарыстанне «сотняў мільёнаў еўра» амерыканскай і еўрапейскай дапамогі.
Нагадаем, днямі Літва канчаткова вырашыла выслаць з краіны Дзмітрыя Скіндзерава. Яго статус бежанца ануляваны.
Вольга Карач абвешчана пагрозай нацыянальнай бяспекі Літвы, але яе пакуль што не выганяюць з краіны.
Чытайце: Чаму Дзмітрыя Скіндзерава высылаюць з Літвы? На гэта ёсць пяць прычын
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос19
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары