Вынеслі прысуд былому рэктару віцебскага ВНУ, які прыдумляў студэнтаў — вельмі лагодны
Былому рэктару Віцебскай дзяржаўнай акадэміі ветэрынарнай медыцыны прызначылі чатыры гады пазбаўлення волі ўмоўна за фіктыўнае залічэнне 95 студэнтаў, піша тэлеграм-канал «Витебск, я гуляю!»
Як паведамляе дзяржаўная газета «Витьбичи», У 2020—2022 гадах кіраўнік ВНУ даваў падначаленым незаконныя распараджэнні фіктыўна залічваць абітурыентаў на бюджэтныя месцы. Сярод іх былі людзі, якія нават не падавалі дакументаў на паступленне, а таксама тыя, хто ўжо вучыўся ў акадэміі. Усіх фіктыўна залічаных адлічвалі яшчэ да 1 верасня.
Такім чынам кіраўніцтва навучальнай установы спрабавала схаваць недабор студэнтаў і фальсіфікавала дзяржаўную статыстыку.
Суд прызнаў былога рэктара вінаватым у перавышэнні службовых паўнамоцтваў. Акрамя чатырох гадоў пазбаўлення волі, яму прызначылі штраф у памеры 18 тысяч рублёў і забаранілі на працягу пяці гадоў займаць кіраўнічыя пасады. Аднак выкананне пакарання ў выглядзе пазбаўлення волі адтэрмінавалі на тры гады, таму ў калонію ён пакуль не трапіць.
У публікацыі «Витьбичей» імя былога рэктара не называлася. Раней пракуратура паведамляла, што гаворка ідзе пра навучальную ўстанову сельскагаспадарчага профілю, а цяпер дзяржаўная газета ўдакладніла, што яна знаходзіцца ў Віцебску.
Гэтыя звесткі дазваляюць меркаваць, што гаворка ідзе пра Віцебскую дзяржаўную акадэмію ветэрынарнай медыцыны, якую ў 2020—2022 гадах узначальваў Мікалай Гаўрычэнка.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары