У Ерэване затрымалі армянскага і расійскага мільярдэра Самвела Карапецяна, кіраўніка апазіцыйнай партыі «Моцная Арменія». Яго і яшчэ 35 чалавек падазраюць у злоўжываннях службовымі паўнамоцтвамі ў кампаніі «Электрычныя сеткі Арменіі», растраце маёмасці і адмыванні грошай. Пра гэта 4 лістапада паведаміў Следчы камітэт Арменіі.
У межах расследавання адначасова правялі ператрусы ў 65 жылых і камерцыйных аб'ектах. Паводле матэрыялаў следства, у 2016—2024 гадах дзеянні Карапецяна і асоб, якія выконвалі яго даручэнні, маглі нанесці шкоду амаль на 64,6 мільярда драмаў (больш за 159 мільёнаў еўра).
Следчыя сцвярджаюць, што праз кантраляваную Карапецянам кампанію прыцягвалі пазыковыя сродкі, якія перавышалі рэальныя патрэбы прадпрыемства, а затым выводзілі іх. У дакументах гэтыя аперацыі афармляліся як выплата дывідэндаў і выдача пазык. Паводле версіі следства, грошы змешвалі з іншымі даходамі, каб схаваць іх сапраўднае паходжанне і легалізаваць.
Гэта не першы выпадак затрымання Карапецяна. У чэрвені 2025 года яго арыштавалі па абвінавачанні ў закліках да захопу дзяржаўнай улады. Гэта адбылося пасля таго, як бізнэсмен падтрымаў прадстаўнікоў Армянскай апостальскай царквы, якія ў той час канфліктавалі з прэм'ер-міністрам Ніколам Пашынянам.
Пазней яму таксама выставілі абвінавачанні ва ўхіленні ад выплаты падаткаў і адмыванні грошай. У студзені 2026 года меру стрымання змянілі на хатні арышт.
У лютым партыя «Моцная Арменія», якую ўзначальвае Карапецян, вылучыла яго кандыдатам на пасаду прэм'ер-міністра на парламенцкіх выбарах 7 чэрвеня. За партыю прагаласавалі 23,27% выбаршчыкаў. Яна заняла другое месца пасля кіроўнай партыі «Грамадзянская дамова» Нікола Пашыняна, якая атрымала 49,75%.
Разам з іншым прарасійскім апазіцыйным аб'яднаннем «Альянс Арменія», якое ўзначальвае былы прэзідэнт Роберт Качаран, партыя Карапецяна мае 41 месца ў парламенце. У кіроўнай партыі — 64 мандаты.
Пляменнік Самвела Карапецяна і кіраўнік фракцыі «Моцная Арменія» Нарэк Карапецян звязаў новае затрыманне дзядзькі з адмовай парламенцкай апазіцыі падтрымліваць праект новай канстытуцыі. Чакаецца, што тэкст дакумента будзе апублікаваны ў лістападзе. Для прыняцця канстытуцыйных змен патрэбныя галасы не менш як 70 дэпутатаў.
Затрыманне адбылося амаль праз тры тыдні пасля таго, як урад Арменіі прыняў рашэнне прызнаць усе 100% акцый кампаніі «Электрычныя сеткі Арменіі» аб'ектам пераважнага грамадскага інтарэсу. Гэта адкрывае магчымасць нацыяналізацыі прадпрыемства. Нікол Пашынян заявіў, што пасля пераходу ва ўласнасць дзяржавы кампанію плануюць перадаць у кіраванне міжнароднай буйной кампаніі або групе кампаній.
Пашынян публічна назваў аднаго са сваіх апанентаў «прабеларускім алігархам»
Былому прэзідэнту Арменіі Роберту Качарану забаранілі пакідаць краіну
Партыі сябра Лукашэнкі не хапіла каля 160 галасоў з усёй Арменіі, каб трапіць у парламент
Прарасійскія партыі прайгралі ў Арменіі, партыя Пашыняна атрымае 60% месцаў у парламенце
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары