У скарзе ўказваюцца факты збору подпісаў людзьмі, якія не ўваходзяць ў ініцыятыўную групу Лукашэнкі.
Уладзімір Някляеў 25 кастрычніка падаў у ЦВК скаргу на парушэнні ініцыятыўнай групай Аляксандра Лукашэнкі выбарчага заканадаўства.
Як паведаміў Някляеў, у скарзе ўказваюцца факты збору подпісаў людзьмі, якія не ўваходзяць ў ініцыятыўную групу Лукашэнкі, а таксама збору подпісаў у месцах, дзе гэта забаронена заканадаўствам.
Паводле слоў Някляева, усе гэтыя факты задакументаваныя, а некаторыя з іх знятыя на відэа. Дыскі з відэа Някляеў прыклаў да скаргі.
Прэтэндэнт у прэзідэнты адзначыў, што яго скарга была прынятая. «Ніякіх праблем з падачай скаргі мы не сустрэлі», — сказаў Някляеў. Ён спадзяецца, што скарга будзе разгледжаная па сутнасці.
Нагадаем, 23 кастрычніка аналагічную скаргу разглядала Мінская гарадская выбарчая камісія. Аднак яна прыняла рашэнне перадаць скаргу раённым выбарчым камісіям.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца5
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары