11 лістапада агучаць імя польскага амбасадара ў Мінску
Беларускі бок зацвердзіў кандыдатуру амбасадара Польшчы ў Беларусі. Найпазней да 11 лістапада зможам паведаміць імя і прозвішча новага амбасадара
— паведаміў першы сакратар польскай амбасады ў Мінску Павал Марчук:
— Можа нават да канца гэтага тыдня мы атрымаем афіцыйны адказ на наш запыт пра згоду на нашага будучага амбасадара ў Беларусі. Мабыць будзе тут нейкая затрымка на працэдурныя пытанні, дык да 11 лістапада мы зможам паведаміць прозвішча нашага амбасадара.
Польская амбасада ў Мінску працуе без амбасадара з 10 красавіка гэтага года, калі ў Варшаву, пасля Смаленскай авіякатастрофы, быў адкліканы тагачасны амбасадар Генрык Літвін — цяпер адзін з намеснікаў міністра замежных спраў Польшчы.
Па неафіцыйных звестках, польскую амбасаду ў Мінску, магчыма,
ачоліць цяперашні дырэктар Дэпартамента супрацоўніцтва дзеля прагрэсу пры Міністэрстве замежных спраў Польшчы — Марэк Зюлкоўскі.
Раней дыпламат працаваў консулам у Генеральным консульстве Польшчы ў Мінску, а таксама амбасадарам Польшчы ва Украіне.
Цяпер чытаюць
Хто забараняе ў Беларусі кнігі — вось гэтыя 22 чалавекі30
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары