У склад участковых камісій уключаны 183 дэмакратычныя актывісты. Усяго апазіцыйныя партыі вылучалі ў склад участковых камісій 1.073 чалавек.
У склад участковых камісій па выбарах прэзідэнта Беларусі ўключаны 183 прадстаўнікі апазіцыйных палітычных партый.
Пра гэта паведаміў сакратар Цэнтрвыбаркама Мікалай Лазавік. Усяго апазіцыйныя партыі вылучалі ў склад участковых камісій 1.073 прадстаўнікі.
Ва ўчастковыя камісіі ўключаны 54 прадстаўнікі Аб’яднанай грамадзянскай партыі (вылучаліся 505), 78 — Беларускай партыі левых «Справядлівы свет» (283), 36 — Партыі БНФ (201), 10 — Беларускай
Разам з тым з 705 прадстаўнікоў, вылучаных праўладнай Камуністычнай партыяй Беларусі, у склад камісій уключаны 545 чалавек.
428 сваіх прадстаўнікоў ва ўчастковых камісіях будзе мець Рэспубліканская партыя працы і справядлівасці (вылучаліся 468 чалавек), 406 — Беларуская
Кажучы пра ўключэнне ў склад участковых камісій прадстаўнікоў апазіцыйных партый, Лазавік зазначыў, што пры фарміраванні камісій «у аснову ставілася не партыйная прыналежнасць, а дзелавыя якасці чалавека».
Аднак адзін з каардынатараў кампаніі «За справядлівыя выбары», лідар Беларускай партыі левых «Справядлівы свет» Сяргей Калякін, мяркуе, што гэта не так. «Як правіла, у камісіі ўключаюць апазіцыйных прадстаўнікоў, якія не маюць вялікага вопыту ўдзелу ў выбарчых кампаніях. І наадварот, людзей з вялікім вопытам, юрыдычнай адукацыяй не ўключаюць», — сказаў палітык. На яго думку, гэта сведчыць пра тое, што ўлады не зацікаўлены ў правядзенні празрыстых і свабодных выбараў.
Нагадаем, апазіцыйныя прэтэндэнты на пасаду прэзідэнта і палітычныя партыі неаднаразова заяўлялі, што ўключэнне іх прадстаўнікоў у склад участковых камісій павінна быць абавязковай умовай правядзення дэмакратычных выбараў.
Цяпер чытаюць
Гісторыя 12‑гадовай Веры ў мінскай інфекцыйнай бальніцы настолькі ўразіла беларусаў, што цяпер чарга з ахвотных дапамагчы2
Каментары