Кіева-Пячорская лаўра і Сафія Кіеўская могуць зьнікнуць зь сьпісу ЮНЭСКА
Навукоўцы засьцерагаюць – пад час богаслужэньняў зьмяняецца тэмпературна-вільготны рэжым, зьяўляюцца расколіны і адслойваньні насьценнага жывапісу.
Кіева-Пячорскую лаўру і кіеўскі Сафійскі сабор могуць выкрасьліць зь сьпісу сусьветнай спадчыны ЮНЭСКА, – б’юць трывогу музэйныя працаўнікі ды экспэрты ва Ўкраіне.
Помнікі архітэктуры руйнуюцца, а іхняе далейшае існаваньне пад пагрозай. Чатыры гады таму кабінэт міністраў Украіны скасаваў пералік помнікаў архітэктуры, якія не падлягаюць перадачы ў сталае карыстаньне рэлігійным арганізацыям. Цяпер у Кірылаўскай і Андрэеўскай цэрквах правяць службу, а значная частка Кіева-Пячорскага запаведніку падпарадкаваная УПЦ Маскоўскага патрыярхату. Навукоўцы засьцерагаюць – пад час богаслужэньняў зьмяняецца тэмпературна-вільготны рэжым, зьяўляюцца расколіны і адслойваньні насьценнага жывапісу.
Жанна Літвінчук, загадчыца аддзелу «Андрэеўская царква» запаведніку «Сафія Кіеўская»: «У Андрэеўскай царкве вернікаў амаль няма. Але прыходзяць турысты, яны купляюць сьвечкі. І сотнямі сьвечкі гараць 9-10 гадзін на суткі ў Андрэеўскай царкве. Вось гэтая копаць і асядае».
Максім Страха, экспэрт: «Гэта зайграваньне ўлады з царквой. Ня мелі мужнасьці выразна сказаць канфэсіям: вы атрымалі ўнікальныя помнікі. Іхняе выкарыстаньне мусіць быць пад кантролем дзяржавы».
Ілюстрацыя chl.kiev.ua
-
Самалёт Flydubai уратавалі пілот-індыец і тры пасажыры, адзін з якіх стаматолаг. Другога пілота звязалі правадамі ад слухавак і маланкамі
-
У Паўднёвай Карэі 600 тысяч чалавек прыйшлі паглядзець на акулу, якая захрасла ў канале
-
У амерыканскім Тэнэсі ўпершыню за 200 гадоў збіраліся пакараць смерцю жанчыну. Але выкананне прыпынілі за гадзіну да прызначанага часу
Каментары