Жыхары мінскага мікрараёнаУручча-2 пратэстуюць супраць будаўніцтва двух вышынных дамоў на зялёнай тэрыторыі ў межах вуліц Русіянава і Шугаева.
5 снежня адбыўся сход жыльцоў, арганізаваны ініцыятыўнай групай, на якім збіраліся пратэстныя подпісы. На сходзе прысутнічалі больш як 300 чалавек. Гэта ўжо сёмая сустрэча, на якой абмяркоўваецца дадзенае рашэнне ўладаў.
Сход 5 снежня аднагалосна прыняў рэзалюцыю з патрабаваннем адмяніць рашэнне Мінгарвыканкама, згодна з якім на тэрыторыі скверыка будуць пабудаваны два жылыя шматкватэрныя дамы для супрацоўнікаў палка міліцыі спецыяльнага прызначэння, якія маюць патрэбу ў паляпшэнні жыллёвых умоў. Гэтая рэзалюцыя будзе адпраўлена на адрас адміністрацыі Першамайскага раёна, Мінгарвыканкама і выбарчага штаба Аляксандра Лукашэнкі. Будзе таксама адпраўлены запыт у Генеральную пракуратуру аб правамоцнасці выдзялення зямельных участкаў пад будаўніцтва дамоў. Апрача таго, жыхары хочуць, каб скверыку, які яны абараняюць, прысвоілі імя генерала Івана Русіянава.
Як зазначыла член ініцыятыўнай групы Валянціна Малюціна,
рашэнне аб забудове супярэчыць заканадаўству.
Згодна з генпланам Мінска, гэты мікрараён адносіцца да тэрыторыі шчыльнай забудовы, якую нельга яшчэ больш ушчыльняць. Паводле слоў актывісткі, шчыльнасць забудовы складае больш як 14 тыс. кв. м/га пры норме 7,6 тысячы. Малюціна заявіла, што ў мікрараёне няма дзе гуляць дзецям, праблема з перагрузкай дзіцячай і дарослай паліклінік, праблема з паркоўкай аўтамабіляў, перапоўненыя дзіцячыя садкі. Апрача таго, на аднаго жыхара прыпадае 4,8 кв. м зялёных насаджэнняў пры норме не менш як 10 кв. м. «Мы самі стваралі гэты зялёны куток, саджалі кусты і кветкі, а цяпер усё гэта хочуць у нас забраць», — сказала суразмоўца. Яна зазначыла, што подпісы пад пратэстам збіраюцца з 2005 года. Сёлета сабрана каля 3 тысяч, у тым ліку звыш 300 — на сённяшнім сходзе.
Як паведаміў прысутным намеснік старшыні адміністрацыі Першамайскага раёна Васіль Яфіменка, «рашэнне аб будаўніцтве законнае і два дамы тут будуць пабудаваны». Аднак пасля заканчэння сходу ён заявіў журналістам, што «да думкі жыхароў будуць прыслухоўвацца».
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары