У Фэйсбуку разышоўся заклік выключыць тэлевізары і святло ў часе навагодняга звароту Лукашэнкі.
У Фэйсбуку разышоўся заклік выключыць тэлевізары і святло ў часе навагодняга звароту Лукашэнкі. З ім выступілі, у прыватнасці архітэктарка, доктар гісторыі Ірына Лаўроўская і мастацтвазнаўца Сяргей Харэўскі.
Вось што напісаў Сяргей Харэўскі.
«Сябры! Мы здранцвелі ў чаканні. Нам хочацца верыць, што ўсё будзе добра. Нам хочацца верыць у цуд на Каляды. Урэшце, усё павернецца на добрае. І непагадзь зменіцца яснымі днямі. Мы будзем пісаць, маляваць, спяваць і верыць. Верыць, што ўсё будзе добра. Бо мы не самотныя. Нас тысячы! І тыя, хто крочыў поплеч на Плошчах, не мусяць гэтага забыць. Як бы ні было сёння прыкра і горка.
Але, перадусім, не мусяць пачувацца самотнымі тыя, хто зараз за кратамі, за тое, што быў разам з намі. Сябры, вамі будзе ганарыцца ўся нацыя.
Выйсце заўсёды ёсць. Як дазнацца, хто сябар? Па вокнах.
Выключым разам усе электрапрыборы ў сваіх кватэрах.
Выключым тэлевізары і радыё. У навагоднюю ноч, 31 снежня, у 23.50, хоць на 10 хвілін.Каб не бачыць і не чуць таго, каго не хочам ні бачыць, ні чуць.
Пабудзем пры трапяткіх свечках. Пагаворым з сябрамі і роднымі. І ўбачым у вокнах суседніх дамоў, хто яшчэ з намі! А разам нас багата! Не загінулі мы і не згінем, пакуль нас кліча Беларусь да зары!»
-
Цыганкоў: Не падазраваў, што Бабарыка з'яўляецца прыхільнікам сацыялізму — мары сярэдняга чалавека
-
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
-
«Спробы стварыць Лукашэнку вобраз «самага чалавечнага чалавека» толькі падкрэсліваюць крайнюю нялюдскасць сістэмы»
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары