Украіна не мае намеру рабіць рэзкія крокі ў дачыненні да Беларусі, бо, у адрозненне ад краін ЕС, Кіеў мае нашмат больш цесныя эканамічныя сувязі з Мінскам.
Пра гэта паведаміў дырэктар дэпартамента інфармацыйнай палітыкі МЗС Украіны Алег Валошын у інтэрв’ю Deutsche Welle.
«У палітычным плане мы не будзем рабіць ніякіх рэзкіх крокаў. Антыбеларускіх настрояў ва Украіне ні на ўзроўні элітаў, ні на ўзроўні грамадства няма», — сказаў Валошын.
У той жа час, паводле яго словаў, украінскі бок не падзяляе падыходу беларускай улады да адносінаў з апазіцыяй.
«Мы не можам ігнараваць той факт, што выбары ў Беларусі міжнароднымі арганізацыямі прызнаныя не адпаведнымі дэмакратычным стандартам. І ў прынцыпе ўзровень нашай прысутнасці на інаўгурацыі сам за сябе гаворыць»,— цытуе Валошына РІА Навіны са спасылкай на Deutsche Welle.
Як паведамлялася раней, Украіну на цырымоніі інаўгурацыі кіраўніка беларускай дзяржавы 21 студзеня прадстаўляў часовы павераны ў справах Беларусі.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары