Справу лідара «Маладога фронту» (зарэгістраваны ў Чэхіі) Змітра Дашкевіча перадалі ў суд Маскоўскага раёна Мінска. Зміцер сказаў пра гэта свайму бацьку падчас спаткання 20 лютага.
Вячаслаў Дашкевіч распавёў, што «сын на ўмовы ўтрымання не скардзіўся. Выглядаў добра і нават усміхаўся. Так што мне трохі лягчэй стала».
Наталля Ясевіч, маці сябра Змітра Дашкевіча, забрала рэчы ў следчага, які расследаваў справу лідара «Маладога фронту».
Яна распавяла «Народнай Волі»: «Я забірала рэчы ў следчага ў сераду. Зміцер сам у лісце папрасіў мяне гэта зрабіць. Якія рэчы?
Майго ж сына таксама выклікалі на допыт у вайсковую контрразведку. А тут мне суседзі сказалі, што ў пятніцу прыехалі ў маю вёску Заямачная, гэта ў Мінскім раёне, 6 чалавек. Яны хадзілі па хатах, казалі, што з’яўляюцца супрацоўнікамі КДБ. Запытвалі, калі мой сын Зміцер прыязджаў дадому, з кім ён быў, ці былі ў яго
Яны падыходзілі да вокнаў і глядзелі ў хату, але дзверы ламаць не сталі.
У хаце нікога не было. Папрасілі суседзяў тэлефанаваць участковаму, інфармацыю пра яго розную дакладваць — з кім ён, у колькі гадзін бачылі, ці мае пры сабе нейкія пакункі і ўсё такое».
Змітра Дашкевіча затрымалі за некалькі гадзін да пачатку акцыі 19 снежня. За двое сутак да затрымання Зміцер пісаў у скайпе, што знаходзіцца ў арандаванай кватэры, бо не хоча, каб яго затрымалі адразу пасля выхаду на вуліцу, каб ізаляваць на час правядзення вулічнай акцыі ў дзень галасавання. А ўжо за суткі да затрымання ён напісаў, што кватэра заблакаваная — у пад’ездзе і каля яго людзі ў цывільным. У апошнім сваім паведамленні ён напісаў, што вырашыў са сваімі сябрамі паспрабаваць дайсці да Кастрычніцкай плошчы. Пазней стала вядома, што Змітра Дашкевіча і Эдуарда Лобава затрымалі літаральна праз некалькі хвілін пасля выхаду з дома. На вуліцы да іх падыйшлі некалькі чалавек і адразу завязалася бойка. Цяпер тыя людзі фігуруюць у справе як пацярпелыя.
23 лютага Змітра Дашкевіча перавязуць з жодзінскага СІЗА ў мінскі следчы ізалятар, што на вуліцы Валадарскага. Паколькі крымінальная справа супраць лідара «Маладога фронту» ужо накіравана ў суд Маскоўскага раёна, то цяпер працэса давядзецца чакаць нядоўга.
Каментары