Цяпер чыноўнікі хочуць пазбавіць пасады старшыню Мінскай гарадской калегіі адвакатаў Аляксандра Пыльчанку.
Цяпер чыноўнікі хочуць пазбавіць пасады старшыню Мінскай гарадской калегіі адвакатаў Аляксандра Пыльчанку.
24 лютага адбылося пасяджэнне прэзідыума Рэспубліканскай калегіі адвакатаў. На ім была абмеркавана і праца сталічных калег. А парушэнні, якія Мінюст убачыў у дзеяннях некаторых адвакатаў, на думку чыноўнікаў, выкліканы «адсутнасцю кантролю... за выкананнем заканадаўства» імі. У сувязі з гэтым
прэзідыум РКА асудзіў стыль кіравання Аляксандра Пыльчанкі і палічыў немагчымым выкананне ім абавязкаў старшыні калегіі.
Нагадаем, што ціск на сталічных адвакатаў пачаўся ў пачатку студзеня. Тады Мінюст накіраваў у Мінскую гарадскую калегію адвакатаў прадстаўленні на чатырох яе членаў, якія займаюцца справамі абвінавачаных у справе аб масавых беспарадках 19 снежня. Чыноўнікі патрабавалі прыцягнуць іх да дысцыплінарнай адказнасці, выказаліся аб немэтазгоднасці знаходжання Паўла Сапелкі ў складзе прэзідыума калегіі. Але калегі адмовіліся караць адвакатаў. Затым адвакатаў Уладзіміра Тоўсціка, Тамару Гараеву, Алега Агева, Таццяну Агееву пазбавілі ліцэнзій, а старшыню калегі Аляксандра Пыльчынку выключылі са складу Кваліфікацыйнай камісіі па пытаннях адвакацкай дзейнасці.
Каментары