Сенат ЗША прыйшоў да згоды адносна «пякельных санкцый» супраць Расіі і Ірана
Сенатары ЗША ад абедзвюх партый дасягнулі пагаднення па законапраекце, які прадугледжвае істотнае ўзмацненне санкцый супраць Расіі і Ірана. Ініцыятыву яшчэ пры сваім жыцці актыўна прасоўваў нядаўна памерлы сенатар Ліндсі Грэм. Дакумент пашырае паўнамоцтвы прэзідэнта ЗША па ўвядзенні новых гандлёвых абмежаванняў у адносінах да Расіі і краін, якія закупляюць расійскія энерганосьбіты, піша Bloomberg.
Працэдурнае галасаванне ў Сенаце прызначана на 28 ліпеня 2026 года. Калі законапраект атрымае падтрымку, яго павінна разгледзець Палата прадстаўнікоў. Аднак яна ўжо пайшла на жнівеньскія канікулы, таму канчатковае прыняцце дакумента магчыма не раней за верасень.
Праект закона дае прэзідэнту ЗША права ўводзіць мыты ў памеры да 500 працэнтаў на імпарт расійскіх тавараў. Акрамя таго, прадугледжваецца магчымасць устанаўліваць тарыфы да 100 працэнтаў у дачыненні да пяці найбуйнейшых купцоў расійскай нафты і прыроднага газу, а таксама дзяржаў, якія, на думку Вашынгтона, дапамагаюць Маскве абыходзіць ужо дзейныя санкцыі.
Новыя паўнамоцтвы прапануецца даць кіраўніку дзяржавы на пяць гадоў. Пры гэтым прэзідэнт зможа адкласці ўвядзенне асобных абмежаванняў, калі палічыць, што гэта адпавядае інтарэсам нацыянальнай бяспекі ЗША.
Законапраект таксама прадугледжвае санкцыі супраць прэзідэнта Расіі, высокапастаўленых расійскіх чыноўнікаў, прадстаўнікоў вайсковага кіраўніцтва і бізнэсу. Пад абмежаванні могуць трапіць дзяржаўныя структуры, прадпрыемствы абаронна-прамысловага комплексу, а таксама арганізацыі, якія супрацоўнічаюць з імі.
Асобны раздзел дакумента прысвечаны Ірану. Ён прадугледжвае падаўжэнне да 2031 года дзеяння амерыканскага закона аб санкцыях супраць гэтай краіны, прынятага яшчэ ў 1996 годзе. Гэты механізм дазваляе ЗША ўводзіць другасныя санкцыі супраць замежных кампаній, якія вядуць бізнэс з Іранам.
Летась ЗША ўжо ўводзілі дадатковыя 25‑працэнтныя мыты на тавары з Індыі праз закупкі расійскіх энерганосьбітаў. Пазней гэтыя меры былі скасаваныя падчас перамоў аб гандлёвым пагадненні. Кітай, які таксама застаецца адным з найбуйнейшых купцоў расійскай нафты, тады падобных абмежаванняў пазбег.
Пасля смерці Ліндсі Грэма шэраг амерыканскіх заканадаўцаў заклікалі прыняць гэты законапраект як працяг яго палітычнага курсу. Сенатар Джын Шахін назвала дакумент важнай часткай палітыкі падтрымкі Украіны і своеасаблівай спадчынай Грэма. Прэзідэнт ЗША Дональд Трамп раней заяўляў, што лічыць шанцы законапраекта на прыняцце даволі высокімі.
Амерыканскія сенатары ўзгаднілі законапраект аб «пякельных санкцыях» супраць Расіі з Белым домам
Раптоўна памёр сенатар Ліндсі Грэм, галоўны лабіст санкцый супраць Расіі
Названа прычына смерці амерыканскага сенатара Ліндсі Грэма
Трамп расказаў, ці будзе падпісваць законапраект супраць Расіі, прыняцця якога дабіваўся Ліндсі Грэм
Цяпер чытаюць
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары