«Рэпарцёры без межаў»: Беларусь падазраецца ў цэнзураванні інтэрнэту
Арганізацыя «Рэпарцёры без межаў» апублікавала вынікі даследавання свабоды выказвання ў інтэрнэце. У спіс ворагаў інтэрнэту трапілі Кітай, Іран, Паўночная Карэя, Сірыя, В’етнам. Сярод краін, якія падазраюцца ў варожасці — Беларусь, Расія і Францыя.
«Кожны трэці карыстальнік інтэрнэту ў свеце не мае свабоднага доступу да сеціва. У 60 краінах цэнзуруецца інтэрнэт і ў рознай ступені пераследуюцца яго карыстальнікі. Якнайменш 119 чалавек цяпер знаходзяцца ў турме за выказванне сваіх поглядаў у сеціве, — гаворыцца ў дакладзе. — Гэтыя лічбы выклікаюць трывогу».
«Рэпарцёры без межаў» апублікавалі
Рэпрэсіўныя рэжымы часта ўжываюць розныя спосабы кантролю ў інтэрнэце — цэнзуру, «пасадкі» кібердысідэнтаў у турмы і прапаганду.
Туніс і Егіпет былі выдаленыя з спісу ворагаў інтэрнэту пасля краху свайго ўрада. Гэтыя краіны, аднак, застаюцца пад назіраннем, як і Лівія.
Пад наглядам застаюцца і дэмакратычныя краіны: Аўстралія, Паўднёвая Карэя і Францыя. Гэта звязана з рознымі мерамі, скіраванымі на абмежаванне свабоды выказвання меркаванняў і доступу да сеткі. Францыя была ў ганебным спісе
Апошні год паказаў, наколькі важным інструментам пратэсту і пераўтварэнняў з’яўляецца інтэрнэт. Сілу інтэрнэту засведчылі рэвалюцыі ў арабскім свеце і скандалы вакол разгалошвання дыпламатычнай перапіскі ЗША на сайце Wikileaks.
«Інтэрнэт з’яўляецца інструментам, які можа быць выкарыстаны і для добрых, і для дрэнных мэтаў. Ён стварае прастору свабоды ў самых закрытых краінах. Яго патэнцыял злуе дыктатараў, і паказвае, наколькі неэфектыўная афіцыйная цэнзура», — гаворыцца ў дакладзе.
З іншага боку ўрады часта выкарыстоўваць інтэрнэт для ўласнай прапаганды і кантролю. Такія краіны, як Кітай, Саудаўская Аравія і Іран працягваюць фільтраваць
У спіс краін, якія знаходзяцца «пад наглядам», між іншага, трапілі Беларусь, Расія і Францыя.
Цяпер чытаюць
Памёр паэт Уладзімір Карызна, аўтар слоў да цяперашняга дзяржаўнага гімна Беларусі4
Каментары