Аператыўнікі лічаць, што гэтыя людзі пры ўвядзенні хворым імпартных прэпаратаў свядома змяншалі дозы.
Медперсанал Мінскага гарадскога клінічнага анкалагічнага дыспансера падазраецца ў крадзяжы дарагіх лякарстваў, паведамілі ва ГУУС Мінгарвыканкама.
Пад падазрэнне міліцыі папалі дзве медсястры.
Аператыўнікі лічаць, што гэтыя людзі, атрымліваючы дарагія медыцынскія прэпараты, пры ўвядзенні іх хворым свядома змяншалі дозы.Такім чынам, імі ўвогуле былі выкрадзены лякарствы коштам не менш як Br59 млн.
Акрамя таго, пры вобшуку ў адной з медсясцёр была знойдзена і канфіскавана партыя дарагіх прэпаратаў для лячэння анкалагічных захворванняў, якія раней паступілі ў дыспансер, а таксама знойдзена буйная сума наяўных грашовых сродкаў. Мяркуецца, што гэта выручка за партыю выкрадзеных лякарстваў.
Устаноўлена, што прэпараты рэалізоўваліся праз наладжаную сетку пасрэднікаў у краіны СНД.Цэны вар’іраваліся, прычым кошт некаторых лякарстваў на чорным рынку даходзіў да Br6,5 млн. за ўпакоўку.
Па гэтых фактах узбуджана крымінальная справа па ч. 4 арт. 211 «Прысваенне або растрата» КК Беларусі. Вядуцца следчыя дзеянні. У сувязі з гэтым, міліцыя заклікае ўсіх, чые сваякі праходзілі лячэнне ў названай установе і былі вымушаны па патрабаванню персаналу аплачваць назначаныя дарагія медыцынскія прэпараты, пазваніць у Першамайскае РУУС сталіцы па тэлефонах
Цяпер чытаюць
Што Бабарыка і Калеснікава адказалі на пытанні пра вайну97
Каментары