Расейскамоўны «Euronews» не паказаў уручэньне прэміі Мілінкевічу ў жывым этэры
У 13.30 дыктары тэлеканалу паведамілі, што «жывая трансьляцыя не адбылася з-за забастоўкі тэхнічнага пэрсаналу».
Расейскамоўная служба тэлеканалу «Euronews» не паказала ў жывым этэры, як плянавалася, а 13- й гадзіне па беларускім часе, цырымонію ўручэньня лідэру дэмакратычных сілаў Беларусі прэміі Эўрапейскага Парлямэнту імя Андрэя Сахарава «За свабоду думкі». У 13.30 дыктары тэлеканалу паведамілі, што «жывая трансьляцыя не адбылася з-за забастоўкі тэхнічнага пэрсаналу». З-за чаго адбываецца забастоўка, «Euronews» не паведаміў. Быў толькі паказаны фрагмэнт выступу Мілінкевіча перад дэпутатамі Эўрапарлямэнту, але прамова палітыка на беларускай мове ўвесь час перакрывалася словамі вядоўцы за кадрам на расейскай мове.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве44
Каментары