Жаночая зборная Беларусі па тэнісе перамагла каманду Эстоніі і выйшла ў Сусветную групу ІІ Кубка Федэрацый.
Жаночая зборная Беларусі па тэнісе перамагла каманду Эстоніі і выйшла ў Сусветную групу ІІ Кубка Федэрацый.
Пасля першага гульнявога дня плей-оф Сусветнай групы ІІ Кубка Федэрацый зборная Беларусі перамагала Эстонію з лікам 2:0. Гульні праходзілі ў мінскім Палацы спорту.
У першы дзень Вікторыя Азаранка (№5 у сусветным рэйтынгу) выйграла ў Анэт Кантавей (№835) – 6:2, 6:0, а затым Вольга Гаварцова (№117) разграміла Маргіт Руйтэль (№451) – 6:0, 6:0.
Другі гульнявы дзень распачаўся адзіночным паядынкам паміж Дар’яй Куставай (№175) і Марэт Ані (№622). Перамогу ў двух сэтах атрымала беларуска – 6:3, 6:1. Наступнай на корт выйшлі Вольга Гаварцова (№117) і Анэт Кантавей(№835). У гэтай сустрэчы перамогу святкавала Вольга – 6:0, 6:2. На парны паядынак ад беларусак выйшлі Дар’я Кустава і Таццяна Пучак. Ад зборнай Эстоніі гулялі Марэт Ані і Анэт Кантавей. Перамогу зноў святкавалі беларускі – 6:2, 6:3. Агульны лік сустрэчы 5:0 на карысць Беларусі.
Кубак Федэрацыі найбуйнейшыя міжнародныя спаборніцтвы па тэнісу сярод жанчын – аналаг мужчынскага Кубка Дэвіса.
На шляху да плэй-оф беларускі ў лютым перамаглі зборныя Аўстрыі, Харватыі, Грэцыі і Польшчы. Да пачатку плэй-оф Беларусь займала 19-ы радок у сусветным рэйтынгу жаночых зборных. Эстонія да плэй-оф Сусветнай групы ІІ Кубка Федэрацый займала 13-ы радок. Пасля сённяшняй перамогі рэйтынг Беларусі павінен вырасці на некалькі пазіцый а з наступнага сезону жаночая зборная Беларусі па тэнісе будзе гуляць у больш мацнейшай Сусветнай групы ІІ.
Каментары