Акцыі Барысаўскага завода медыцынскіх прэпаратаў будуць размешчаныя на біржы. Купіць могуць усе ахвотныя.
Барысаўскі завод медыцынскіх прэпаратаў абвясціў пра адкрытае размяшчэнне акцый на біржавым рынку. Гэта першы выпадак правядзення IPO у Беларусі. Што гэта такое?
IPO — першапачатковая публічная прапанова акцый кампаніі на продаж. Пры гэтым маецца на ўвазе, што кампанія ўпершыню выводзіць свае акцыі на біржу, прапануючы іх неабмежаванай колькасці асобаў.
На продаж выстаўляецца 125 500 акцый, што складае каля 15% статутнага фонду прадпрыемства. Мяркуецца прыцягненне сродкаў ад айчынных і замежных інвестараў. Продаж акцый рэзідэнтам Беларусі будзе ажыццяўляцца ў беларускіх рублях, нерэзідэнтам — у расійскіх рублях, далярах і еўра па афіцыйным курсе. Кошт адной акцыі — 476 010 рублёў. Пачатак продажу акцый — 29 чэрвеня, заканчэнне — 12 ліпеня.
Генеральны дырэктар завода Аляксандр Фандо мяркуе, што
100%-ная доля дзяржавы ў статутным фондзе адпужвае інвестараў, таму прадпрыемства павінна стаць звычайным акцыянерным таварыствам, дзе будзе прысутнічаць і дзяржаўная, і прыватная ўласнасць.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай2
Каментары