Газэта перажывае вялікія фінансавыя цяжкасьці, але ў любы спосаб імкнецца захаваць беларускія крыжыванкі. Нават ахвяруючы расейскімі.
Газэта перажывае вялікія фінансавыя цяжкасьці, але ў любы спосаб імкнецца захаваць беларускія крыжыванкі. Нават ахвяруючы расейскімі.
Год таму выдавецтва «Магазин кроссвордов» наважылася на тое, што ніхто дагэтуль не рабіў – на выпуск цалкам беларускамоўнай газэты крыжаванак. Газэта займела адпаведную назву – «Крама крыжаванак».
Галоўная адметнасьць газэты, акрамя беларускай мовы, арыентаванасьць у першую чаргу на беларускія каштоўнасьці. Старонкі «Крамы крыжаванак» стракацяць беларускімі прымаўкамі, выслоўямі, партрэтамі цудоўных беларускіх літаратараў, здымкамі сучасных сьпевакоў і актораў. Газэта зьмяшчае папулярныя сярод абываталяў крыжаванкі, сканворды і японскія судоку. Для школьнікаў будуць цікавыя і карысныя віктарыны, шаранты, разгадкі якіх вымагаюць веданьня геаграфіі, гісторыі і літаратуры, пры чым на толькі беларускіх, але й сусьветных. Галоўны рэдактар газэты Андрэй Ваюшын кажа, што знаёмыя настаўнікі прапануюць сваім вучням газэту для выкананьня школьных заданьняў. Газэта па‑ранейшаму запрашае чытачоў дасылаць свае прапановы і заўвагі, а таксама крыжаванкі і моўныя гульні. Пісаць трэба па адрасе: 220002, Менск, а/с 46, крама
Падводзячы вынікі году, рэдактар «Крамы крыжаванак» адзначыў, што газэта займела невялікае, але сваё кола падпісчыкаў: ад пачатку году іх колькасьць складае да тысячы чалавек. Выданьне найбольш пасьпяхова рэалізуецца ў Менску і на Віцебшчыне. На жаль, наклад газэты істотна скараціўся, існуе праблема вялікага вяртаньня з пунктаў продажу, а з наступнага году «КК» зьмяняе пэрыядычнасьць выхаду – раз на тры месяцы заміж штомесячнага выхаду. Тым не менш, кажа сп. Ваюшын, рэдакцыя вырашыла працягваць гэты відавочна некамэрцыйны праект.
Падпісацца на газэту беларускамоўных крыжаванак можна зь любога месяца і на розныя тэрміны ва ўсіх аддзяленьнях паштовай связі. Падпісны індэкс – 63313 у каталозе «Белпошты». «Крама крыжаванак» будзе безумоўна карыснай беларусім настаўнікам і школьнікам, а таксама аматарам паламаць галаву над судоку, крыжаванкамі і сканвордамі.
Каментары