«Вельмі грошы трэба»: пасярод лета Мінгарвыканкам патрабуе прышчапіцца ад грыпу
Грошы сёння — вакцына ўвосень. «Лісты шчасця» атрымліваюць прадпрыемствы любой формы ўласнасці.
У сярэдзіне чэрвеня сталічныя арганізацыі ўсіх формаў уласнасці атрымалі «ліст шчасця» ад Мінгарвыканкама.
«У адпаведнасці з Рашэннем Мінгарвыканкама № 2535 ад
Навошта рабіць прышчэпкі пасярод лета?
У Мінскім гарадскім цэнтры гігіены і эпідэміялогіі тлумачаць, што рабіць вакцынацыю зараз не трэба, галоўнае — заплаціць за яе зараз.А прышчапляцца можна ўвосень.
Прычым вакцыны пакуль што нават няма! Пра гэта карэспандэнту «НН» паведамілі ў бухгалтэрыі раённай паліклінікі са спіса, указанага ў лісце Мінгарвыканкама. Мяркуецца, што яна будзе закупленая ў канцы жніўня ці верасні. Колькі ж каштуе працэдура? «Мы бярэм няшмат, усяго па 3000 рублёў за кожную вакцынацыю. За гэтыя грошы доктар прыедзе ў вашу арганізацыю і зробіць усім прышчэпкі. Апроч таго, вы аплачваеце кошт самой вакцыны, прычым без ніякай нацэнкі», — паведамілі ў паліклініцы.
Згодна з прэйскурантам, дасланым паліклінікай,
французская вакцына каштуе €9, галандская — $10, бельгійская — $7,36. А вось кітайская і расійская вакцына ацэненая ў беларускіх рублях — 10 970 і 15 540 рублёў адпаведна.
Каментары