Намесьнік старшыні праваабарончага цэнтра «Вясна» атрымаў позву з Інспекцыі Міністэрства падаткаў і збораў Партызанскага раёна Мінску.
«Вынікам гэтага працэсу можа стаць накладанне адміністрацыйнай адказнасьці ў выглядзе штрафу за ўхіленне ад падаткаабкладання», — адзначае Валянцін Стэфановіч і дадае, што абавязкова будзе гэта абскарджваць.
Інспекцыя мае намер спагнаць з Валянціна Стэфановіча 31 мільён 500 тысяч рублёў нібыта ўтоенага падатку, а таксама 6 мільёнаў рублёў пені. Ён заявіў, што нязгодны з выстаўленымі прэтэнзіямі Міністэрства па падатках і зборах, і тлумачыць пераслед з боку уладаў палітычнымі матывамі.
Калега Стэфановіча, кіраўнік «Вясны» Алесь Бяляцкі пасля выдачы Літвой і Польшчай інфармацыі аб яго банкаўскіх рахунках з 4 жніўня сёлета знаходзіцца пад вартай па абвінавачанні ва ўхіленні ад выплаты падаткаў у буйных памерах.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?19
Каментары