Падазраваны меў доступ да сховішча, куды ў канцы дня звозяцца грошы з абменнікаў.
Дзёрзкі крадзеж адбыўся ў адным з беларускіх банкаў, размешчаных у Мінску. З ахоўнага сховішча знікла без малога паўмільёна даляраў, што з'яўляецца рэкорднай для Беларусі сумай.
Скандал у ААТ «Тэхнабанк», не мае сабе роўных у Беларусі.Да апошняга часу сховішча ні аднаго беларускага банка ні разу не чысцілі. Былі толькі рабаванні абменных пунктаў банкаў. Самі банкіры калі і кралі, то праз правядзенне фінансавых аперацый з выкарыстаннем рахункаў падстаўных фірмаў. І тут раптам такое!
Як паведамілі «Штодзённіку» у ГУУС Мінгарвыканкама, следчым аддзелам папярэдняга расследавання УУС Цэнтральнага раёна Менска распачатая крымінальная справа ў дачыненні да былога намесніка начальніка ўпраўлення па ажыццяўленні валютна-абменных і касавых аперацый ААТ «Тэхнабанк».
Па абавязку службы падазраваны трымаў у сваіх руках ўвесь наяўны абарот банка і меў доступ да сховішча, куды ў канцы дня звазіліся даляры, еўра, расійскія і беларускія рублі з усіх абменных пунктаў.Менавіта гэтым доступам да вялікіх сумах грошай і вырашыў скарыстацца банкір.
Па дадзеных праваахоўных органаў, намеснік начальніка ўпраўлення залез у сховішча і вынес адтуль амаль 70 мільёнаў беларускіх рублёў, больш за 850 тысяч расійскіх рублёў, больш 388 тысяч долараў і 51 тысячы еўра. Агульная сума выкрадзенага ў даляравым эквіваленце склала больш 490 тысяч.
Пакуль невядома, ці затрыманы банкір, ці вернуты грошы або падазраванаму ўдалося схавацца з выкрадзеным.Праваахоўныя органы вельмі неахвотна кажуць пра гэты скандал. Вядома толькі, што ў банку самі выявілі крадзеж, пасля чаго і звярнуліся з заявай у праваахоўныя органы.
Банкаўскаму клерку інкрымінуецца здзяйсненне злачынства, прадугледжанага ч.4 арт.210 Крымінальнага кодэкса Беларусі (крадзеж шляхам злоўжывання службовымі паўнамоцтвамі, здзейснены арганізаванай групай альбо ў адмыслова буйным памеры). Вядзецца расследаванне.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1111
Каментары