Цана расейскай нафты для Беларусі ў параўнанні з 2011 годам ўпадзе на 30 даляраў
Расейскія нафтавыя кампаніі не будуць атрымліваць прэміі пры пастаўцы нафты ў Беларусь, якая складала 45–47 даляраў за тону, што знізіць цану сыравіны для Беларусі прыкладна на 30 даляраў за тону ў параўнанні з цаной мінулага года,паведаміла РІА «Навіны» крыніца ў нафтавай галіне.
Зніжэнне цаны прадугледжана пратаколам узгаднення ўмоў пастаўкі расейскай нафты ў Беларусь на 2012–2015 гады, які быў падпісаны паміж канцэрнам «Белнафтахім», беларускімі перапрацоўшчыкамі нафты і расійскімі нафтавымі кампаніямі 15 снежня ў Маскве. Суразмоўца патлумачыў, што ў мінулым годзе ўмовы пастаўкі расейскай нафты прадугледжвалі выплату прэміі расейскім нафтавым кампаніям у памеры 45–47 даляраў за тону.
«Згодна з цяперашнімі ўмовамі, прэмія расейскім нафтавым кампаніям пры пастаўцы нафты адсутнічае. Тым не менш,
цана нафты прывязаная да цаны сыравіны ў порце Ратэрдам, хоць беларускі бок прапаноўваў прывязку да порта Прыморск. У выніку нафта будзе даражэйшая прыкладна на 1,5 даляра за барэль, гэта значыць прыкладна на 15 даляраў за тону.Такім чынам, адштурхваючыся ад памеру прэміі, цана тоны нафты ў параўнанні з леташняй цаной будзе ніжэй прыкладна на 30 даляраў», — сказаў суразмоўца.
Пратакол аб узгадненні ўмоў нафтавых паставак замацоўвае пераход на новую формулу цэнаўтварэння на нафтавую сыравіну ў адпаведнасці з пагадненнем аб парадку арганізацыі, кіравання, функцыянавання і развіцця агульных рынкаў нафты і нафтапрадуктаў Беларусі, Казахстана і Расіі,што было падпісанае у рамках стварэння Адзінай эканамічнай прасторы і прадугледжвае непрымяненне бакамі ва ўзаемным гандлі колькасных абмежаванняў і вывазных мытных пошлін, а таксама іншых пошлін, падаткаў і збораў, якія маюць эквівалентнае значэнне.
У адпаведнасці з пратаколам, даччыныя арганізацыі расійскіх нафтавых кампаній маюць права перапрацоўкі на беларускіх НПЗ штомесяц у аб’ёме да 50% нафты, якая пастаўляецца, у адпаведнасці з графікамі транспарціроўкі.
Пры гэтым расійскі бок не пазней, чым за 45 дзён да месяца пастаўкі нафты інфармуе беларускі бок аб’ёмах адгрузкі па відах нафтапрадуктаў у разрэзе рынкаў збыту. У сваю чаргу беларускі бок гарантуе, што даччыныя кампаніі расійскіх нафтавых кампаній атрымаюць свабоднае распараджэнне вырабленымі нафтапрадуктамі з улікам неабходнасці забеспячэння ўласнай сеткі АЗС, якая знаходзіцца на тэрыторыі Беларусі. Нафту ў Беларусь пастаўляюць ААТ «Газпром нафта», ААТ «ЛУКОЙЛ», ААТ «Раснафта», ААТ «Сургутнефтегаз» і ААТ
Баланс нафтавай сыравіны і нафтапрадуктаў саюзнай дзяржавы Беларусі і Расіі на 2012 год цалкам забяспечвае патрэбы беларускіх НПЗ, у тым ліку прадугледжвае пастаўку ў Беларусь 21,5 млн тон расійскай нафты трубаправодным транспартам, што на 3,5 млн тон больш, чым у 2011 годзе.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары