Венесуэла зацікаўлена ў пастаўках масла з Беларусі, заявіў пасол Венесуэлы ў Беларусі Амерыка Дыяс Нуньес 7 лютага напрэс-канферэнцыі ў Мінску.
Паводле яго слоў, зараз ідуць перамовы, робіцца сертыфікацыя, вырашаюцца пытанні паставак. «У Венесуэле ў гэты момант праводзіцца палітыка па змяненні таго харчавання, якое папулярнае ў насельніцтва ў плане спажывання малочных прадуктаў, што негатыўна ўплывае на здароўе, асабліва дзяцей.
У прыватнасці, харчаванне ў Венесуэле заснавана на маргарыне, і Уга Чавес заявіў, што хоча замяніць яго на беларускае масла дзеля здароўя нацыі і дзяцей»,— сказаў дыпламат.
Амерыка Дыяс Нуньес нагадаў, што Венесуэла актыўна закупляе ў Беларусі сухое малако. У 2011 годзе планавалася паставіць у Венесуэлу 16 тон сухога малака, але гэта дамоўленасць не поўнасцю была выкананая
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку7
Каментары