Карэнныя жыхары Аўстраліі з энтузіязмам успрынялі вестку аб магчымым зняцці забароны на паляванне на кракадзілаў у паўночнай частцы кантынента. Абарыгены кажуць, што арганізацыя паляўнічых сафары дазволіць ствараць новыя працоўныя месцы і развіваць турызм у аддаленых раёнах Аўстраліі.
Яны таксама спадзяюцца, што дазвол на адстрэл кракадзілаў дапаможа скараціць папуляцыю рэптылій, што хутка размнажаецца і ўсё часцей пранікае на гарадскія тэрыторыі.
У арганізацыях па абароне правоў жывёл заяўляюць, што адстрэл кракадзілаў дзеля забавы не гуманны. Тры гады таму аўстралійскі ўрад адкінуў прапанову аб зняцці забароны на адстрэл кракадзілаў, але зараз улады вярнуліся да гэтай ідэі.
0
0
0
0
0
0
