«Мінскія тэлевізійныя інфармацыйныя сеткі» працягваюць перамовы з уладальнікамі правоў на трансляцыю тэлеканала Euronews, бо разумеюць, што гледачам патрэбны інфармацыйны канал. Пра гэта «Нашай Ніве» паведаміў начальнік аддзела маркетынгу МТІС Максім Дубовік. «Мы прасілі зрабіць для нас зніжку, бо іначай трансляцыя канала была б для нас стратнай», — сказаў ён. Максім Дубовік адзначыў, што
перамовы вядуцца непасрэдна з рэдакцыяй у французскім Ліёне, а не з расійскімі агентамі.
Нагадаем, што канал знік з эфіру ў 0:02 1 студзеня 2012 года. МТІС пераконваў, што прычынай не з’яўляецца палітыка, тым не менш многія гледачы перакананыя, што дзяржава працягвае зачышчаць інфармацыйнае поле краіны.
0
0
0
0
0
0
