Пабачыла свет трэцяя кніга ў серыі «Беларуская мемуарная бібліятэка». Гэта «Мае ўспаміны» Марыі Стагановіч.
Пабачыла свет трэцяя кніга ў серыі «Беларуская мемуарная бібліятэка». Гэта «Мае ўспаміны» Марыі Стагановіч (1898-1995) — жонкі пасла польскага сойму Аляксандра Стагановіча, чые мемуары распачыналі ў 2011 г. згаданую серыю.
Здаецца, унікальны выдапак, калі муж і жонка пакінулі свае зместава розныя ўспаміны незалежна адно ад аднаго, і гэтыя тэксты з’яўляюцца абсалютна каштоўныя для айчыннай мемуарыстыкі.
Свае ўспаміны Марыя Стагановіч напісала ўжо на эміграцыі на просьбу дачкі «распавесці як раней было ў Беларусі». Таму гэты аповед пачынаецца з працяглай сямейнай гісторыі са згадкамі шматлікіх сваякоў, мае шмат дэталяў з побытавага жыцця, цікавых штодзённых дробязяў.
Храналагічна ўспаміны ахопліваюць час ад канца ХІХ ст. да 1917 г. Тут акрамя апісанняў нацыянальнай традыцыйнай абраднасці ёсць згадкі, прыкладам, пра навучанне на прафесійных курсах у Менску, а таксама аповед пра бежанства ў Смаленшчыну ў часы першай сусветнай вайны. Марыя цікава параўноўвае сялянскі побыт у вёсцы Ельнінскага павету з побытам на роднай Наваградчыне, дзе яе бацька быў упраўляюшчым у маёнтках графа Храптовіча-Буценева.
Дадаткам да ўспамінаў выступаюць запісы народных песень, нацыянальных страваў ды лекавых якасцяў розных зёлак, што Марыя памятала ад сваёй маці.
Кніга ілюстраваная фотаздымкамі з сямейнага архіву ды суправаджаецца якаснымі каментарамі.
Даведка
Серыя «Беларуская мемуарная бібліятэка» была заснаваная ў 2011 годзе. У ёй акрамя вышэйпамянёных успамінай Аляксандра і Марыі Стагановічаў выйшла кніга «Яўстафій Янушкевіч. Успаміны. (1805–1831)».
Бліжэйшым часам будуць вызвалены больш за 150 палітзняволеных39
Каментары